مدرسة صلاح سالم الثانوية بنين

يسعدنا ويشرفنا تسجيلك معنا والاسهام فى النهوض بهذا المنتدى التعليمى الكبير بكم

صرح تعليمى كبير

أخى العزيز للآشتراك فى هذا المنتدى أتبع الآتى 1- أضغط على زر تسجيل ثم وافق على شروط المنتدى 2 - أكتب الآسم الذى تريد الظهور به على المنتدى ثم الرقم السرى لك حروف مع أرقام ولاتنساه 3-أكتب البريد الآلكترونى لك وقم بالتسجيل 4- أفتح بريدك الآلكترونى ثم أفتحinbox أو spam ستجد رسالة من المنتدى أفتحها وأضغط على رابط التفعيل 6-وبذلك اصبحت مشترك فى منتدانا. هذه الاجراءات معمول بها فى أغلب المنتديات *ملحوظة المنتدى مازال تحت التأسيس ويحتاج إلى مجهود كبير لآظهاره بشكل يرضى عنه الجميع ونتمنى من السادة الآعضاء من معلمين وطلبة المساهمة الفعاله به. شكرا لك على تسجيلك وصبرك علينا المشرف العام

    نكت جامدة جدا

    شاطر
    avatar
    Ahmed Atef
    عضو نشيط

    عدد المساهمات : 22
    نقاط : 48
    تاريخ التسجيل : 03/12/2009

    نكت جامدة جدا

    مُساهمة من طرف Ahmed Atef في الثلاثاء 5 يناير 2010 - 19:44


    1-مرة واحد بيموت جمع أولاده كلهم علشان يوصيهم فنادي علي أكبرهم وقال له
    :- أمسك عود الحطب ده وأكسره ، الولد مسكه كسره ، قاله أمسك عشر وأكسرهم ،
    مسكهم كسرهم ، الأب :- أمسك 100 عود وأكسره ، الولد مسكهم وكسرهم ، فرد
    الأب وهو ينظر لأولاده الأخرين : طول مامعاكم البغل ده مايتخفش عليكم

    2- مضيفة طيارة بتسأل راكب ... تحب انزل لك عشاء كامل ؟؟؟؟ رد عليها : ليه هو كامل
    مش حيتعشى!!!

    3- واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب
    الاتوبيس ونوفر النص جنيه .... فرد وقال له طب منجرى جنب تاكسى ونوفّر خمسة
    جنيه

    4-مرة واحد بيقولوا له .... مراتك ماشيه مع كهربائي المنطقه .... قال لهم ده ولا
    كهربائي ولا بيفهم حاجه في الكهربه !!!

    5- واحد حانوتي ربنا فتحها عليه و فتح محل فكهاني..كل يوم في المحل يقعد ينادي :المووووووز علينا حق

    6- واحد واقف أمام محل عصير ومعهوش غير 25قرش قال اشرب عصير ولا اركب
    الأوتوبيس لو ركبت الأوتوبيس يا هقف يا هقعد، لو وقفت مش مشكله لو قعدت
    هقعد جنب راجل أو ست، لو, راجل مش مشكله لوست يا هتبقي حلوه أو وحشه، لو
    وحشه مش مشكله لو حلوه هطلبها للجواز، لو رفضت مش مشكله لو وافقت هدفع لها
    مهر وشبكه وهتخلف عيال ياخدو فلوسي ويطلعوا عيني، وعلي إيه مشرب عصير أحسن.
    ***
    7-حشاش بيقول لصاحبه:
    انا حلمت امبارح أننا بقينا فنانين .. أنت فنان تشكيلي ..... وأنا فنان أشكيلك

    8- أتنين سكرانين نفسهم يلعبوا كورة ، أتفقوا أن أول واحد هيعدي هيقطعوا راسه ويلعبوا بيها
    فواحد سكران برضه معدي الشارع ، فالأثنين وقفوه وقالوله : أحنا هنقطع راسك نلعب بيها كورة
    قام الراجل السكران فاتح مطوته وغرزها في دماغه وقال : دي انا أفسيها ور تلعبوا بيها

    9- صعيدي سافر بره واتعلم الفلسفة ولما رجع البلد حب يفلسف علي الصعايدة التانين ، فقال صاحبه فقاله
    الفيلسوف : أنا بيت فيلسوف كبير
    صاحبه : طب متعلممني أيه هيا الفلسفة
    الفيلسوف : عندكم كلب ؟؟
    صاحبه : آه
    الفيلسوف : يبقي أكيد عندكم بيت للكلب
    صاحبه : آه
    الفيلسوف : يبقي أكيد عنكم جنينة
    صاحبه : أه
    الفيلسوف : يبقي أكيد عندكم فيلا
    صاحبه : أيوه
    الفيلسوف : يبقي أكيد أبوك غني
    صاحبه : أيوه
    الفيلسوف : وطالما أبوك غني يبقي أمك مش رقاصة
    صاحبه عجبته حكاية الفلسفة دي قوي ، قام رايح لصعيدي تاني وقاله انا فيلسوف الصعيدي التاني قاله طب علمني الفلسفة
    صاحبنا : عندكم كلب
    الصعيدي التاني : لا
    صاحبنا : تبقي أمك رقاصة

    10-نساء العالم اتحدن وقررن انهم مش هيعملوا أي حاجة من واجبات البيت.... وبعد اسبوع اتقابلوا
    عشان يعرفوا النتايج
    الزوجة الفرنسية: انا قلت لجوزي ميشيل انا مش هعمل حاجة في البيت الاسبوع ده كله
    وقالت أول يوم ما شفتش حاجة وتاني يوم ما شفتش حاجة وتالت يوم بدأ يغسل ويمسح وقالي انتي بتتعبي خالص يا مراتي يا حبيبتي
    الزوجة الانجليزية: انا قلت لجوزي انا مش هعمل حاجة خالص في البيت الاسبوع
    ده اول يوم ما شفتش حاجة... تاني يوم بدأ يعمل الاكل تالت يوم غدانى
    وعشانى بره
    الزوجة المصرية: انا قلت لابو العيال انا مش هعمل حاجة في
    البيت الاسبوع ده اول يوم ما شفتش حاجة تاني يوم ما شفتش حاجة... ثالت يوم
    ابتديت أشوف شوية بعيني الشمال
    11ـ واحد بيقول لصاحبه :ـ انا لو بوست اختك نبقى نسايب؟ قاله:ـ لأ نبقى خالصين.
    أحمد عاطف.
    [/b]
    avatar
    أ/ هانى حامد
    مدير عام المنتدى
    مدير عام المنتدى

    عدد المساهمات : 103
    نقاط : 299
    تاريخ التسجيل : 01/10/2009

    رد: نكت جامدة جدا

    مُساهمة من طرف أ/ هانى حامد في الثلاثاء 5 يناير 2010 - 21:17

    نكت جميلة جدا
    الله ينور يا حماده
    Laughing


    _________________
    Mr. Hany Hamid
    معلم أول (أ) اللغة الإنجليزية

    [ندعوك للتسجيل في المنتدى أو التعريف بنفسك لمعاينة هذا الرابط]

      الوقت/التاريخ الآن هو الإثنين 15 أكتوبر 2018 - 17:07